Кіраўнікі МЗС краін G7 асудзілі размяшчэнне ядзернай зброі ў Беларусі
У Японіі адбылася сустрэча міністраў замежных спраў краін G7. Яны правялі сесію, прысвечаную сітуацыі ва Украіне. У яе межах таксама абмяркоўвалася размяшчэнне расійскай тактычнай ядзернай зброі ў Беларусі.
Як паведамляе reform.by cа спасылкай на паведамленне японскага МЗС, міністр замежных спраў Есімаса Хаясі заявіў, «што меры супраць ухілення і абыходу санкцый, а таксама пастаўкі зброі трэцімі бакамі ў Расію зʼяўляюцца важнымі пытаннямі, і асудзіў рашэнне прэзідэнта Пуціна аб размяшчэнні тактычнай ядзернай зброі ў Беларусі, што яшчэ больш узмоцніць напружанасць сітуацыі».
Міністры краін G7 таксама пацвердзілі, што яны па-ранейшаму маюць намер узмацняць, каардынаваць і дабівацца поўнага выканання санкцый супраць Расіі. Таксама яны рашучыя ў падтрымцы Украіны.
Кіраўнікі МЗС G7 запатрабавалі ад Расіі неадкладна і безумоўна вывесці ўсю іх сілу і тэхніку з Украіны.
Яны таксама асудзілі заявы Уладзіміра Пуціна аб размяшчэнні тактычнай ядзернай зброі ў Беларусі і адзначылі непрымальнасць безадказнай ядзернай рыторыкі РФ.
-
Пуцін на закрытай сустрэчы з буйнымі бізнэсменамі прапанаваў ім добраахвотна прафінансаваць вайну з Украінай
-
У ЗША збіраюцца выпускаць даляры з подпісам Трампа
-
«Трэба сесці і размаўляць. Калі не атрымліваецца — устаць і пайсці». Коўл заявіў пра неабходнасць дыялогу паміж Беларуссю і Літвой на ўзроўні міністраў замежных спраў
Цяпер чытаюць
У Беларусі больш не будуць прымаць платнікаў у медуніверсітэты. Што пра гэта кажуць дактары?1
Каментары