МУС самаабвешчанай «ДНР» паведаміла, што затрымала трох юнакоў 2006—2007 гадоў нараджэння. Як вынікае з аргументацыі такога кроку, выкладзенага сепаратысцкім органам, віна падлеткаў у тым, што яны адмаўляліся прызнаваць захопленыя ўкраінскія землі расійскімі.
Паводле «дээнэраўцаў», хлопцы «ў грамадскім месцы справакавалі канфліктную сітуацыю з мінаком на глебе палітычнай нянавісці». Яны, маўляў, «публічна ставілі пад сумнеў тэрытарыяльную цэласнасць Расійскай Федэрацыі». Як вядома, восенню мінулага года расійскія ўлады правялі на акупаваных тэрыторыях псеўдарэферэндумы аб іх далучэнні да РФ і цяпер насуперак міжнароднаму праву трактуюць незаконна захопленыя землі як тэрыторыю Расіі.
Па версіі супрацоўнікаў «МУС ДНР», у выніку гэтага канфлікту ад дзеянняў падлеткаў пацярпеў пажылы мужчына, а парыўшыся недзе ў сваіх архівах ці інтэрнэце, яны таксама знайшлі нібыта іх здымак са сцягам «109-га асабнага горнага штурмавога батальёна УСУ, які дыслакуецца ў Івана-Франкоўскай вобласці Украіны».
У выніку дзеянні хлопцаў падводзяць пад «хуліганства, здзейсненае па матывах палітычнай, ідэалагічнай, расавай, нацыянальнай або рэлігійнай нянавісці ці варожасці альбо па матывах нянавісці ці варожасці ў дачыненні да якой-небудзь сацыяльнай групы» (п. «б» ч. 2 арт. 213 КК РФ).
У Крамлі адрэдагавалі відэа візіту Пуціна. Ëн гаварыў пра Вялікдзень у будучым часе
«Мы засталіся без нічога», але «дзякуй вам за перамогу», «гэта куточак раю». Як Пуцін сустрэўся з марыупальцамі ВІДЭА
«Да здачы ў палон ён не дажыў дзесяць дзён, мы нават магілы яго не маем». Бацька распавёў пра загінулага пры абароне Марыупаля ўраджэнца Беларусі
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3524
Каментары