Класіка ў свеце шакаладных дэсертаў — пірожныя браўні са шчыльнай, сакавітай сярэдзінай і хрумсткім верхам, яны гатуюцца з простых прадуктаў, якія звычайна ёсць на кухні.
Дэсерт браўні. Фота: inspiredtaste.net
Вам спатрэбіцца:
- 10 сталовых лыжак (145 грамаў) несалёнага сметанковага масла,
- 1 і ¼ шклянкі (250 г) цукру,
- ¾ кубка плюс 2 сталовыя лыжкі (80 г) несалодкага какава-парашку,
- 1/4 чайнай лыжкі солі (бярыце трохі менш, калі ў вас дробная марская соль),
- 1 чайная лыжка ванільнага экстракту,
- 2 вялікія халодныя яйкі,
- 1/2 шклянкі (65 г) універсальнай мукі,
- 2/3 шклянкі (75 г) здробненых грэцкіх арэхаў ці арэхаў пекан, па жаданні.
Як гатаваць:
- Растапіце масла з цукрам, соллю і какава-парашком. Ідэальна рабіць гэта ў параварцы: награванне цукру такім чынам дапамагае перамясціць яго на верхнюю частку пірожных, калі яны будуць у духоўцы, — тады ў дэсерту атрымаецца славуты «гафрыраваны верх». Але вы таксама можаце растапіць масла з какавай у мікрахвалёўцы або ў рондалі на сярэднім агні.
- Дадайце ваніль і яйкі. Яйкі лепш дадаваць па адным, паступова ўмешваючы.
- Калі цеста стане густым і добра перамяшаным, дадайце муку. Выкарыстоўвайце лыжку, каб убіць муку ў цеста, пакуль яно не стане вельмі густым і не будзе адставаць ад сценак міскі.
- Дадайце арэхі, калі выкарыстоўваеце.
- Пірожныя выпякаюцца ў форме для выпечкі ў духоўцы 20—30 хвілін пры тэмпературы 170 градусаў. Выпякайце браўні, пакуль краі не стануць сухімі, а сярэдзіна — злёгку недапечанай. Гатоўнасць можна праверыць, уткнуўшы ў цэнтр зубачыстку. Пірожныя гатовыя, калі зубачыстка выходзіць з вільготнымі крошкамі.
- Цалкам астудзіце, перш чым вымаць з формы — гэты крок дапаможа браўні застыць. Разрэжце на 16 квадратаў.
Вам таксама можа спадабацца:
Дэсерт з чарнасліву і грэцкіх арэхаў з вяршкамі: вытанчаны смак і суцэльная карысць
Рэцэпт на выходныя: бананавы кекс
Якія глазураваныя сыркі самыя смачныя: беларускія ці замежныя? Вось што паказала дэгустацыя ўсляпую
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары
мама штоле !? 😲