Мінчук памачыўся ў цэнтры сталіцы на манумент Філарэту. Што вырашыў суд
Познім вечарам малады чалавек шпацыраваў па Нямізе, выпіўшы паўлітра лікёру і два літры напою. Нечакана яму спатрэбілася справіць патрэбу, і ён нічога лепшага не прыдумаў, як зрабіць гэта на манумент «200 гадоў Мінскай епархіі Філарэта — мітрапаліта Мінскага і Слуцкага экзарха». Пры гэтым яго не збянтэжыла вялікая колькасць людзей паблізу.
Да яго падышлі супрацоўнікі міліцыі і запатрабавалі спыніць супрацьпраўныя дзеянні. Зламысніка для далейшага разбору даставілі ў Цэнтральнае РУУС, у дачыненні да яго распачалі крымінальную справу, як пішуць «Мінск-Навіны».
— Абвінавачаны працуе інжынерам-праграмістам, раней да крымінальнай адказнасці не прыцягваўся. У судовым пасяджэнні віну прызнаў цалкам, у зробленым раскаяўся і сказаў, што такія паводзіны для яго не характэрныя, — пракаментаваў намеснік пракурора Цэнтральнага раёна Андрэй Нікольскі.
Суд прызнаў яго вінаватым у хуліганстве, і на падставе ч. 1 арт. 339 КК Рэспублікі Беларусь прызначыў пакаранне ў выглядзе двух месяцаў арышту.
Цяпер чытаюць
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары