Святлана Ціханоўская. Фота: Офіс Святланы Ціханоўскай
Ціханоўская на анлайн-дыскусіі «Што будзе далей з Беларуссю пасля Прыгожына?» адзначыла, што спроба смуты ПВК «Вагнер» праз Аляксандра Лукашэнку скончылася, «напэўна, самым неспрыяльным для Беларусі чынам», так як унутрырасійскі канфлікт перакінуўся на беларускую тэрыторыю, як паведамляе «Позірк».
Паводле яе слоў, прысутнасць «наймітаў «Вагнера» ў Беларусі можа мець вельмі цяжкія наступствы» для суверэнітэту краіны, таксама ПВК стварае пагрозу для суседзяў.
«Беларусы не здадуцца, пакуль усе расійскія акупанты не пакінуць Беларусь. І пакуль Беларусь не стане свабоднай і дэмакратычнай краінай», — падкрэсліла лідар дэмакратычных сіл.
Палітык заклікала Захад узмацніць санкцыі ў дачыненні да Расіі не толькі за ўварванне ва Украіну, але і «за спробы падарваць суверэнітэт Беларусі».
