Супраць Уладзіслава Беладзеда з кафедральнага касцёла распачалі крымінальную справу
Супраць выкладчыка катэхізіса ў кафедральным касцёле Уладзіслава Беладзеда распачалі крымінальную справу аб распальванні варожасці (артыкул 130 КК), паведаміла «Медиазоне» крыніца, знаёмая з сітуацыяй.
У адным з праўладных каналаў з'явілася відэа пра Беладзеда, у якім карыстальнік Uladzislau, паводле скрыншота, напісаў: «Хачу забіваць мянтоў». У запісаным сілавікамі відэа Беладзед гаворыць пра падтрымку супрацоўнікамі кафедральнага сабора пратэстаў у Беларусі.
Раней Уладзіслава Беладзеда некалькі разоў арыштоўвалі агулам на 45 сутак паводле артыкула аб распаўсюдзе «экстрэмісцкіх матэрыялаў» (артыкул 19.11 КаАП). У канцы мінулага тыдня ў кафедральным саборы прайшоў ператрус.
Уладзіслаў Беладзед — выпускнік Інстытута тэалогіі БДУ, пасля заканчэння якога паступіў у рыма-каталіцкую семінарыю і праходзіў практыку ў мінскім архікафедральным саборы.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў73
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары