Брэсцкія дэсантнікі гэтымі днямі праходзяць падрыхтоўку з удзелам наймітаў з групы «Вагнер», паведаміў тэлеканал «Беларусь 1» са спасылкай на Мінабароны Беларусі.
«Пад Брэстам ідзе падрыхтоўка падраздзялення 38-й Брэсцкай асобнай гвардзейскай дэсантна-штурмавой брыгады. Гвардзейцы вывучаюць мінна-выбуховыя загароды, тактычную медыцыну, аказанне першай дапамогі і самадапамогі пры розных агнястрэльных раненнях.
Таксама пры падрыхтоўцы байцы актыўна выкарыстоўваюць досвед «СВА». Як адзначаюць спецыялісты, сёння гэта неад'емная частка навучання для паспяховага функцыянавання Узброеных сіл», — гаворыцца ў паведамленні.
Досвед «СВА» (эўфемізмам «спецыяльная ваенная аперацыя» расійскія і лукашэнкаўскія прапагандысты называюць захопніцкую вайну Расіі супраць Украіны) перадавалі брэсцкім дэсантнікам нядаўнія непасрэдныя яе ўдзельнікі.
«Для таго, каб быць у курсе сучасных вайсковых трэндаў, брэсцкія дэсантнікі праводзілі трэніроўкі і з інструктарамі прыватнай вайсковай кампаніі «Вагнер». На брэсцкім палігоне сумесна адпрацоўвалі самыя актуальныя і патрэбныя элементы баявых дзеянняў», — адзначылі ў Мінабароны.
Чытайце таксама:
Пасол у Індыі пра ПВК «Вагнер»: Калі яны зробяць нешта не так, супраць іх будуць ужытыя іншыя захады
Інфармацыя пра вагнераўцаў на беларуска-літоўскай мяжы можа быць укідам — «Беларускі Гаюн»
-
Беларус хацеў падаць заяву на ДНЖ у Польшчы, але па памылцы адправіў свой пашпарт у падатковую інспекцыю
-
Арыштаваны грамадскі актывіст, шматдзетны бацька Віктар Яўмененка
-
КДБ прызнаў экстрэмісцкім фармаваннем «Беларускую нацыянальную кааліцыю», а загінулага Мікіту Крыўцова назваў адным з яе арганізатараў
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі16
Каментары