16 жніўня запасы прыроднага газу ў газасховішчах Еўрасаюза дасягнулі рэкорднай для гэтай пары года адзнакі 90,1%. Мяркуецца, што гэта дазволіць пазбегнуць крызісу 2022 года, звязанага са спыненнем паставак газу з Расіі, паведамляе Delfi.
Краіны Еўропы значна апярэджваюць устаноўленыя ЕС летась мэты (90% усяго аб'ёму сховішчаў да 1 лістапада).
«Атрыманае сёння пацверджанне таго, што мы вельмі загадзя дасягнулі нашай мэты па запасах газу падкрэслівае, што ЕС добра падрыхтаваўся да зімы. І гэта дапаможа стабілізаваць рынкі ў найбліжэйшыя месяцы», — заявіла Politico камісар ЕС па энергетыцы Кадры Сімсан. Яна адзначае, што энергетычны рынак ЕС знаходзіцца ў значна стабільнейшым стане, чым год таму.
Да пачатку вайны ва Украіне Еўропа атрымлівала каля 40% газу з Расіі. Цяпер гэты аб'ём пакрываецца за кошт паставак з ЗША, Нарвегіі, Азербайджана і іншых краін.
Калі ў жніўні мінулага года цана газу (на біржы ў Амстэрдаме — TTF) дасягала 320 еўра за мегават-гадзіну, то на гэтым тыдні яна ўпала да ўзроўню каля 38 еўра за мегават-гадзіну.
«Гэта, несумненна, гісторыя поспеху — для Еўракамісіі, для рынку энергіі, але асабліва для нацыянальных урадаў, якім за год удалося паспяхова замясціць 1000 тэрават-гадзін расійскага газу», — кажа эксперт аналітычнага цэнтра Bruegel Джавані Скараваці.
Сезон высокага спажывання газу ў ЕС фармальна доўжыцца з кастрычніка да сакавіка. Калі ўсе сховішчы ЕС запоўненыя, то пры сярэднім спажыванні газу ў іх хапае на 90 дзён. Аднак спажыванне залежыць ад умоў надвор'я — калі зіма суровая, то газу кантыненту трэба больш.
Аднак кошт газу не вернецца на даваенны ўзровень — тады ён складаў каля 20 еўраў за мегават-гадзіну.
Гэта азначае вышэйшыя рахункі для насельніцтва і нізкую прадукцыйнасць для прамысловасці. Энергетычны рынак застаецца нестабільным.
Чытайце таксама:
Кітай аддаў перавагу Туркменістану перад Расіяй у буйным трубаправодным праекце — СМІ
Расія не будзе прадаваць Казахстану газ танней, чым Беларусі — «Газпрам»
У Парыж правядуць прыродны газ
Чысты прыбытак «Газпрама» ў 2022 годзе зменшыўся ў тры разы
Цяпер чытаюць
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары
Пакуль будзе дзяржманаполія ў энэргэтычнай сфэры, то запаўняй сховішчы газам, не запаўняй...