Польскія памежнікі заявілі пра напад групы мігрантаў. У аднаго магла быць стрэльба
Польскі памежны патруль быў атакаваны групай з 20 агрэсіўных мігрантаў на ўчастку заставы ў Дубічах Царкоўных на мяжы з Беларуссю. Пра гэта гаворыцца ў ранішняй зводцы польскай службы, піша Reform.by.
«Патруль атакавала агрэсіўная група з 20 чалавек з беларускага боку, частка з іх была ў масках, кідалі камяні і галлё, адзін чалавек цэліўся ў патруль памежнай аховы, імаверна, з гладкаствольнай зброі. Замежнікі таксама стралялі з рагаткі, пашкоджана службовая машына», — гаворыцца ў паведамленні.
Усяго за аўторак польскі бок зарэгістраваў спробы 60 мігрантаў парушыць мяжу. Шасцёра замежнікаў спрабавала пераправіцца цераз раку Правёлку на вачах у польскага патруля, але вярнуліся на тэрыторыю Беларусі.
У Літве зарэгістравалі пяць спроб парушэння мяжы. Латвійская памежная служба паведаміла пра 147 спроб. Пакуль гэта рэкордная колькасць у жніўні.
Каментары