У нядзелю быў адпраўлены ў адстаўку галоўны трэнер футбольнага клуба «Штутгарт» Маркус Бабель.
Цярпенне босаў швабскага клуба ляснула пасля суботняй нічыі бел-чырвона-белых з такім жа аўтсайдэрам «Бохумам» – 1:1.
Пасля 15-ці тураў «Штутгарт» з 12 баламі дзеліць 16-17-я месцы з «Нюрнбергам»
(горай толькі справа ў «Герты» з яе 5 баламі).
Толькі тая розніца, што «Нюрнберг» летась гуляў у другой бундэслізе, а «Штутгарт» у 2007 г. быў чэмпіёнам Германіі.
Клуб Аляксандра Глеба ў бундэслізе сёлета не выйграваў ад 26 верасня, калі ў гасцях перамог «Айнтрахт» – 3:0. У каманды на рахунку дзве перамогі, шэсць нічыіх і сем паразаў, баланс мячоў 12—21.
Новым трэнерам «Штутгарта» прызначаны 55-гадовы швейцарскі спецыяліст Крыстыян Грос.
Грос нарадзіўся ў сімвалічны год: калі зборная Германіі заваявала першы тытул чэмпіёна свету, прычым чэмпіянат тады праходзіў акурат у Швейцарыі (1954). Грос пагуляў за «Грасхопер», «Лазану», «Ксамакс», «Лугана».
Трэнерскую кар’еру пачаў у клубе «Віль», потым пайшоў у «Грасхопер»,. Апошнія дзесяць год (1999—2009) працаваў з «Базэлем-1893», за гэты час клуб чатыры разы станавіўся чэмпіёнам Швейцарыі, а ў 2008 г. Грос быў прызнаны найлепшым трэнерам швейцарскай суперлігі.
Сваю пасаду Грос пакінуў у траўні 2009 г., пасля таго, як клуб фінішаваў 3-м у чэмпіянаце.
***
Ужо сёння Грос правёў першую трэніроўку, а таксама склікаў тэрміновую прэс-канферэнцыю, на якой заявіў, што хоча вярнуць «Штутгарт» на шлях поспеху.
Ужо першае выпрабаванне ў «Штутгарта» – у сераду,
калі клуб правядзе апошні матч групавога турніру Лігі чэмпіёнаў. Каб трапіць у плей-оф (1/8 фіналу) швабам трэба перамагаць дома румынскую «Уніру».
Становішча такое ў групе: Севілья – 10, Уніра – 8, Штутгарт – 6, Рэйнджэрс – 2.
Цяпер чытаюць
Анжаліка Мельнікава пасля знікнення набыла дзве кватэры ў Мінску60
Каментары