Паветраныя сілы Украіны заявілі аб збіцці чатырох ракет з шасці запушчаных.
Уначы Расія нанесла ракетны ўдар па Палтаўшчыне і па Крывым Рогу. Вядома пра разбурэнні і сама меней пра двух загінулых. Паветраныя сілы заявілі аб збіцці чатырох ракет з шасці запушчаных, піша Бі-бі-сі.
Кіраўнік Палтаўскай вобласці Дзмітрый Лунін паведаміў аб начным удары па рэгіёне. Ёсць траплянне ў прамысловы аб'ект — цалкам разбураны вытворчы цэх. Людзі працавалі ў начную змену.
Два чалавекі загінулі, а двое дастаўленыя ў бальніцу з нязначнымі пашкоджаннямі.
Працягваюцца пошукавыя работы і разбор завалаў, пад якімі могуць быць яшчэ некалькі работнікаў.
Кіраўнік Офіса прэзідэнта Андрэй Ярмак раніцай удакладніў, што расіяне нанеслі ракетны ўдар па пасёлку Гогалева каля Міргарада. У выніку выбуху адбылося ўзгаранне памяшкання маслабойні.
Таксама раніцай расійская армія ўжыла тактычную авіяцыю з паўднёвага кірунку і ўдарыла ракетамі па Крывым Рогу.
Разбураны два лецішчы, а яшчэ пяць — пашкоджаны. Улады кажуць, што абышлося без загінулых і пацярпелых.
Паветраныя сілы паведамілі, што расіяне нанеслі ўдар ракетамі марскога і паветранага базавання.
Чатыры крылатыя ракеты «Калібр» выпусцілі з фрэгата з акваторыі Чорнага мора блізу Феадосіі.
Таксама ўжытыя дзве кіраваныя авіяцыйныя ракеты Х-59 з двух самалётаў Су-34, якія расіяне накіравалі ў напрамку Крывога Рога з паветранай прасторы акупаванай Херсоншчыны.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары