Беларускія адвакаты, раскіданыя па свеце, павіншавалі Максіма Знака з днём народзінаў
Сёння вядомаму адвакату Максіму Знаку споўнілася 42 гады. Ужо трэці дзень народзінаў ён вымушаны адзначаць за кратамі. За сваю прафесійную дзейнасць — юрыдычную дапамогу штабу Віктара Бабарыкі — Максім Знак асуджаны ўладамі да 10 гадоў зняволення. У дзень народзінаў палітвязня калегі павіншавалі яго са святам.
«Беларуская асацыяцыя адвакатаў правоў чалавека разам з іншымі калегамі, раскіданымі сёння па свеце, віншуе Максіма Знака і выказвае сваю падтрымку. Ад усяго сэрца зычым моцы, веры ў справядлівасць і хутчэйшага вяртання дадому!
Максім Знак, наш калега і выдатны адвакат, палітычны вязень, сёння адзначае ўжо трэці свой дзень нараджэння ў няволі. Максім неправамерна прыцягнуты да крымінальнай адказнасці па арт. 357 частка 1, арт. 361-1 частка 1, арт. 361 частка 3 КК з агульным пакараннем 10 гадоў пазбаўлення волі», — напісалі калегі.
Адвакаты прачыталі на відэа апавяданне Максіма «Гэта Мы» з яго кнігі «Зэкамерон», якую ён напісаў у зняволенні.
Аб Максіме ўжо 207 дзён няма ніякай інфармацыі, канстатуюць калегі.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна1
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары