У найбліжэйшы час стан спраў у жывёлагадоўлі стане тэмай выязнога рэспубліканскага семінара-нарады. А сённяшняе мерапрыемства — адзін з першых крокаў па падрыхтоўцы такога семінара, паведамляе ягоная прэс-служба.
«Праз спецыфіку наяўных праблем у свінагадоўлі мы сёння асобна разгледзім сітуацыю ў гэтым важным напрамку АПК, якое дае чвэрць ад агульнага аб'ёму вытворчасці мяса [ў краіне], — сказаў Лукашэнка. — Па выніках працы апошніх двух гадоў тут адзначаецца адмоўная дынаміка, што выклікае ў мяне (спадзяюся, і ва ўсіх у вас) вялікую занепакоенасць. Гэта прывяло да таго, што пытанне прыйшлося выносіць на самы высокі ўзровень», — сказаў Лукашэнка.
Ён таксама заўважыў, што вытворчасць (вырошчванне) свіней за два гады знізілася амаль на 12%. Атрыманыя аб'ёмы да запланаваных у дзяржпраграме «Аграрны бізнэс» на 2021—2025 гады нават не наблізіліся, а, хутчэй, наадварот. Скарачэнне вытворчасці назіраецца ва ўсіх абласцях, а на Гомельшчыне — наогул у два разы.
Пагалоўе свіней паменшала больш чым на 11%, або на 290 тысяч галоў. Найбольшае зніжэнне адзначаецца ў Гомельскай і Мінскай абласцях.
Падзеж свіней павялічыўся практычна ў кожным другім раёне краіны. Колькасць прыплоду парсючкоў скарацілася на 8%.
«На фоне правальных мінулых гадоў у гэтым годзе ў цэлым па рэспубліцы зрухі ў аднаўленні пагалоўя і аб'ёмаў вытворчасці (вырошчвання) свіней можна пазначыць як нязначныя, — сказаў Лукашэнка. — Гэта значыць прырост ёсць, але гэта на ўзроўні арыфметычнай хібнасці».
Адпаведныя меры прымаюцца, аднак паморак свіней па-ранейшаму расце ва ўсіх абласцях, акрамя Гродзенскай і Мінскай. Зменшылася колькасць парсючкоў за кошт зніжэння прыплоду на Віцебшчыне і Міншчыне. Зніжаюцца паказчыкі эфектыўнасці, расце колькасць стратных арганізацый, якія займаюцца свінагадоўляй, пазначыў праблемныя моманты Аляксандр Лукашэнка.
Прычыны сітуацыі, якая склалася, ляжаць на паверхні. На іх і ўказаў Лукашэнка — гэта грубыя парушэнні біялагічнай абароны комплексаў: недастатковая работа па барацьбе з грызунамі і птушкамі, правядзенні дэзынфекцыі, забеспячэнні спецадзеннем. Адзначаюцца праблемы з улікам свіней, факты прыпісак і ўтойвання падзяжу.
У выніку патрабаванні Лукашэнкі аб аднаўленні пагалоўя свіней і аб'ёмаў вытворчасці свініны да ўзроўню 2012 года, агучаныя яшчэ ў 2014 годзе, нявыкананыя дагэтуль.
«Давайце разбяромся, у чым прычына. Дзе парушаюцца тэхналогіі? Дзе не рэалізуюцца санітарныя мерапрыемствы? Дзе ўплывае ўсім вядомы чалавечы фактар?» — звярнуўся Аляксандр Лукашэнка да ўдзельнікаў нарады.
-
У Мінску на месяц абмяжуюць рух пад мостам на плошчы Незалежнасці
-
«Гэтулькі ўсяго цікавага даведаешся са сшыткаў»: малады настаўнік хіміі стаў папулярным у тыктоку
-
«Нічога не здарыцца з маімі дзецьмі, калі яны не прачытаюць Барто, Маршака, Чукоўскага». Гутарка са стваральніцай блогу «Кніжныя размовы»
Цяпер чытаюць
Ад БНФ да ГРУ. Хто такая Наталля Судлянкова, якой чэхі загадалі пакінуць краіну27
Каментары