Усяго патроху11

У Кітаі падчас паводкі з фермы збеглі 75 кракадзілаў

Злавіць удалося пакуль толькі восем рэптылій.

Фота: Istvan Kadar / Getty Images

Як паведамілі кітайскія ўлады, падчас паводкі, выкліканай тайфунам «Хайкуй», з фермы па гадоўлі жывёл на поўдні Кітая збеглі дзясяткі кракадзілаў, піша Бі-бі-сі.

Калі возера ў Мааміне (правінцыя Гуандун), дзе размешчана ферма, выйшла з берагоў, на волю вырваліся 75 кракадзілаў.

Некаторых уцекачоў удалося ўзяць жывымі, некаторых мясцовыя ўлады застрэлілі або прыбілі электратокам «у мэтах бяспекі».

Паводле паведамленняў дзяржаўных медыя, пакуль уцекачы паспяхова абыходзяць засады ўладаў: удалося злавіць усяго восем рэптылій.

На ўсялякі выпадак жыхароў найбліжэйшых вёсак папрасілі заставацца дома.

Тайфун «Хайкуй» ужо больш за тыдзень гуляе па поўдні Азіі, ужо пабываўшы ў Ганконгу, на Тайвані, у Японіі і ў некаторых раёнах Кітая.

Тайфун паніжаны ў статусе да трапічнага шторму. Аднак «Хайкуй» ужо стаў прычынай гібелі сямі чалавек, яшчэ трое зніклі без вестак. Тайфун таксама выклікаў апоўзні і паводкі на поўдні Кітая.

Дзяржаўныя медыя паведамляюць, што ў выніку ўцёкаў кракадзілаў ніхто не пацярпеў. Афіцыйныя асобы, аднак, прызнаюць, што некаторыя з уцекачоў могуць хавацца ў глыбіні перапоўненых вадаёмаў. Для іх пошуку ратавальнікі выкарыстоўваюць гідралакацыйнае абсталяванне.

Супрацоўнік бюро па кіраванні надзвычайнымі сітуацыямі горада Маамін паведаміў дзяржаўнай газеце Dazhong Daily, што цяпер сітуацыя знаходзіцца пад кантролем, але колькасць збеглых кракадзілаў даволі вялікая.

Па даных бюро, з фермерскіх засценкаў збеглі 69 дарослых кракадзілаў і шасцёра зусім маладых. Уцекачы — сіямскія кракадзілы.

Па даных брытанскага заапарка Crocodiles of the World, гэта прэснаводныя рэптыліі, якія могуць дасягаць трох метраў у даўжыню.

Адзін з пажарных, які браў удзел у пошуках, паведаміў кітайскім медыя, што сярэдняя вага злоўленых дарослых кракадзілаў складае каля 75 кг, а даўжыня — больш за 2 м. 

У горадзе Маамін размешчана некалькі кракадзілавых фермаў. Рэптылій разводзяць як для скуры, так і на мяса.

Каментары1

  • Žvir
    13.09.2023
    Jaki pierakanaúčy pozirk !

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць