«Чаго толькі нам не кажуць». На пляжы літоўскага курорта знайшлі загадкавую жывёліну
У чацвер на пляжы літоўскага курортнага пасёлка Швянтоі на беразе Балтыйскага мора адна жанчына зрабіла здымак невядомага мёртвага звера. Яго выкінула на бераг хвалямі. Зразумець, што гэта за прадстаўнік фауны, было складана, піша Delfi.lt.
Фотаздымак выклікаў у сацыяльных сетках вялікую цікавасць. Адныя пісалі, што гэта пачвара возера Лох-Нес, іншыя запэўнівалі, што пасля пабачанага купацца ў моры не будуць.
Прадстаўніца прыродаахоўнай кампаніі Nuaras Lietuva, ветэрынарка Юргіта Густайцене расказала, што яны абышлі ўсё ўзбярэжжа, але мёртвай жывёліны з фота пакуль не знайшлі. Аднак яе бачылі і іншыя людзі, што тут адпачывалі, а таксама ратавальнікі.
Па словах спецыялісткі, гэта не пачвара возера Лох-Нес і не кракадзіл, а выдра.
«Так, нам часта паведамляюць пра феніксаў, казачных птушак і інш. Едзем і знаходзім звычайнага баклана. Нам паведамлялі і пра птушанят арлана на дзіцячай пляцоўцы, а там былі маладыя галубы. Чаго толькі нам не кажуць», — заўважыла яна.
Цяпер чытаюць
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары