За атрыманне хабару затрымалі дырэктара Добрушскага фарфоравага завода
Супрацоўнікі ГУБАЗіК затрымалі за атрыманне хабару службовую асобу ЗАТ «Добрушскі фарфоравы завод», паведаміла паведаміла прэс-служба МУС. Імя затрыманага не называлася, але праз прагляд аператыўнай здымкі выданне «Флагшток» здолела вызначыць, што гаворка ідзе пра самога генеральнага дырэктара прадпрыемства Аляксандра Вінакурава.
Для атрымання хабару за своечасовую адгрузку прадукцыі і вырашэнне іншых пытанняў кіраўнік прадпрыемства выкарыстаў свайго брата. Затрыманне адбылося ў момант, калі атрыманыя братам грошы былі перададзеныя непасрэдна дырэктару прадпрыемства.
Па словах аператыўнікаў, прадстаўнік камерцыйнай структуры перадаў братам 155 тыс. расійскіх рублёў і 33,5 тыс. беларускіх, што адпавядае хабару ў буйным памеры.
З аператыўнай здымкі вынікае, што на момант затрымання сумы хабару ўжо былі размеркаваныя паміж змоўцамі.
Атрыманне хабару ў расійскіх рублях можа сведчыць аб тым, што сродкі за спрыяльнае развязанне пытанняў перадаваліся расійскай камерцыйнай структурай.
«Флагшток» звярнуўся ў прыёмную ЗАТ «Добрушскі фарфоравы завод» з просьбай звязацца з дырэктарам Вінакуравым. «Паглядзіце зводку МУС!», — адказаў усхваляваны сакратар дзяржпрадпрыемства.
Акрамя кіраўніцтва Добрушскім фарфоравым заводам Аляксандр Вінакураў з'яўляецца дэпутатам Добрушскага раённага савета дэпутатаў. У 2021 годзе ён быў дэлегатам шостага УНС ад Гомельскай вобласці.
З дэкларацыі аб маёмасці Аляксандра Вінакурава, апублікаванай падчас выбарчай кампаніі 2018 года, вынікае што гадавы даход кіраўніка складаў тады каля 13,5 тыс. даляраў.
Цяпер чытаюць
Шалёна папулярная мінская блогерка патраціла на святкаванне дня нараджэння амаль $16 тысяч16
Каментары