У бара з хамскім абслугоўваннем насупраць КДБ, здаецца, праблемы. Пастаралася Бондарава
Днямі ў Мінску на вуліцы Камсамольскай адкрыўся «Вельмі дзіўны бар». Яго фішка — хамскае абслугоўванне (такія ўстановы не рэдкасць у Еўропе). Але сёння сацсеткі бара вычышчаныя, відэа з расказам пра яго знікла з тыктока.
Прарасійская актывістка Вольга Бондарава прызнала, што яна паскардзілася на бар.
«Прасілі ў чаце патлумачыць пра дэструктыўную харчэўню, што паспрабавалі адкрыць побач з камітэтам. Тлумачу. І заадно адказваю на пытанне «Як доўга яна пратрымаецца ў суседстве з КДБ?». Ніколькі»,
— напісала сёння Бондарава ў сваім тэлеграм-канале.
У інстаграм-акаўнце бара раней было два відэа з атмасферай унутры. Цяпер яны зніклі. У пустым акаўнце засталося дзве з паловай тысячы падпісчыкаў. З тыктока знікла таксама відэа блогеркі, якая расказвала пра незвычайны для сталіцы бар.
Пакуль няясна, ці будзе ўстанова працаваць далей.
Бар так акрэсліваў правілы: уваход строга 18+, на тэму палітыкі і рэлігіі жартаваць нельга, біцца забаронена. Адміністрацыя адразу просіць не прыходзіць тых, хто не разумее канцэптуальнага гумару.
Назвы ежы і напояў у меню цалкам адпавядаюць канцэпцыі. Ёсць, напрыклад, бургер «Разарві сёрбала», снэкі «Пару палак перад сном», кактэйль «У рот вазьму». Калі кліент жадае, то афіцыянт можа нават пакарміць яго з рук.
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»5
Каментары
Икры у тебя вообще зашквар! Ноги некрасивые.
Владелец Ауди а2 под надзором....