22 чэрвеня пасля чарговага суда жанчыну зноў этапавалі ў жаночую калонію № 24. Цяпер стала вядома, што нядаўна яе ў чарговы раз змяшчалі ў ШІЗА, даведалася «Вясна». За апошнія паўгода яе ўтрымлівалі там не менш за 70 дзён, пры гэтым ужо некалькі месяцаў Кульша адбывае зняволенне ў памяшканні камернага тыпу.
Раней у зарэчанскай калоніі Вікторыя адбыла мінімум 92 дні ў ШІЗА і паўгода ў ПКТ. Па інфармацыі праваабаронцаў, адзін з наглядчыкаў душыў Вікторыю локцем, стоячы ззаду, а таксама цягаў яе па камеры. Праз галадоўкі ў яе двойчы здараўся сардэчны прыступ.
За гэты год Вікторыю двойчы асудзілі паводле ч. 1 арт. 411 КК (злоснае непадпарадкаванне законным патрабаванням адміністрацыі калоніі). Апошні раз суд прызначыў жанчыне яшчэ адзін год зняволення ў дадатак да трох з паловай гадоў калоніі.
Чытайце таксама:
Муж Паліны Шарэнды-Панасюк расказаў пра хвалю салідарнасці з ёй
Двайнікі вядомых беларусаў. І не кажыце, што не задумваліся пра іх падабенства1
Каментары