Легендарная канадская спявачка «больш не кантралюе мышцы» на фоне барацьбы з невылечным сіндромам скаванасці. Аднак яна ўсё яшчэ марыць аднойчы вярнуцца на сцэну.
Год таму Селін Дыён была вымушана адмяніць сусветнае турнэ. Тады брат выказаў здагадку, што можа прайсці некаторы час, перш чым спявачка вернецца на сцэну пасля барацьбы з неўралагічным разладам, які называецца сіндромам скаванага чалавека, піша Daily Mail.
Хвароба Селін, якая прагрэсуе і невылечная, прымушае арганізм атакаваць уласныя нервовыя клеткі і сур'ёзна ўплывае на рухі.
«Яна старанна працуе, але ўжо не кантралюе свае мышцы. Што разбівае мне сэрца, гэта тое, што яна заўсёды была дысцыплінаванай», — расказала яе сястра Кладэт.
«Яна заўсёды старанна працавала. Наша мама заўсёды казала ёй: «Ты зробіш гэта добра, ты зробіш гэта належным чынам», — дадала Кладэт.
«Гэта праўда, што і ў нашых марах, і ў яе на мэце — вярнуцца на сцэну. У якой якасці? Я не ведаю. Хоць даследаванні гэтага захворвання працягваюцца, яго рэдкасць азначае, што прагрэс быў павольным», — дадала Кладэт.
Выпадак хваробы Селін Дыён — гэта адзін на мільён выпадкаў.
Кладэт кажа: «Некаторыя людзі страцілі надзею, бо ўсё гэта хваробы, пра якія мала што вядома. Калі б вы толькі ведалі, колькі тэлефонных званкоў паступае ў Фонд з нагоды Селін! Людзі кажуць нам, што любяць яе і моляцца за яе. Яна атрымлівае так шмат паведамленняў, падарункаў і блаславенняў».
Раней Кладэт распавядала, што, нягледзячы на працу з «найлепшымі даследчыкамі ў гэтай галіне», стан здароўя яе сястры не палепшыўся.
«Мы не можам знайсці ніякіх эфектыўных лекаў, але важна мець надзею», — заключыла сястра.
Самы галоўны хіт Селін Дыён, аднак у яе ёсць шэраг добрых хітоў.
Цяпер чытаюць
Таксістка з Таджыкістана насмерць збіла беларуску ў Польшчы — і спакойна пакінула краіну18
Каментары