27 снежня памёр Міша Ларын, малады хлопец, за сэрца якога змагаліся ўсёй краінай.
Намеснік дырэктара па хірургічнай дапамозе РНПЦ «Кардыялогія» Вячаслаў Янушка паведаміў, што Міша памёр у клініцы днём 27 снежня. Прычыны смерці высвятляюцца.
‑ У яго была двухбаковая пнеўманія.
Небальнічная, ён ужо быў выпісаны, калі і дзе яе падхапіў. Нам вельмі складана было вывесці яго з гэтага стану, — сказаў Вячаслаў Янушка.
Нагадаем, што ў студзені 2008 Міша Ларын з дыягназам дылатацыйная кардыяміяпатыя стаў першым пацыентам ў краіне, якому была праведзена імплантацыя штучных жалудачкаў сэрца. Больш за год Міша быў прывязаны да апарата і мог перамяшчацца толькі ў межах пакоя.
14 кастрычніка гэтага года ў Беларусі Міхаілу Ларыну была праведзена доўгачаканая трансплантацыя донарскага сэрца.
Тры гады таму ад дылатацыйнай кардыяміяпатыі памёр яго брат‑блізнюк.
Афіцэр-пагранічнік, які прайшоў праз турму, расказвае пра жыццё «да» і «пасля» дый не шкадуе слоў пагарды для амапаўцаў3
Каментары