У Дняпры расійская ракета разбурыла хоспіс. Адтуль эвакуююць невылечна хворых людзей
Самаму старэйшаму пацыенту — 90 гадоў. Пасля расійскага ўдару 3 лістапада хворых перавозяць у іншыя гарадскія бальніцы, паведаміў мэр Дняпра Барыс Філатаў.
У хоспісе зусім нядаўна адрамантавалі палаты і іншыя памяшканні. Паводле Філатава, гэта адна з нямногіх устаноў, дзе невылечна хворыя жыхары Дняпра і перасяленцы маглі атрымаць неабходную дапамогу і догляд.
«Цяпер усё гэта знішчана расійскай ракетай», — напісаў мэр.
На апублікаваных ім фотаздымках відаць ляжачых пацыентаў проста каля выбітых выбухной хваляй вокнаў. Гэта пажылыя людзі.
Паводле Філатава, у выніку атакі ў Дняпры таксама пашкоджаныя ці часткова разбураныя 20 жылых дамоў. Пацярпелі гімназія, дзіцячы садок, музычная школа, бібліятэка, палац культуры «Энергетык» і амбулаторыя. Агулам выбіта больш за тысячу вокнаў, месцамі вырваныя дзверы і батарэі ацяплення.
Удар пашкодзіў і водазаборную станцыю. Праз гэта старая частка Прыдняпроўска засталася без вады.
«На месцы працуюць камунальныя службы, дабрачынцы, прадстаўнікі гарадскіх службаў. Усе працуюць. Але гэта — проста жах», — напісаў Філатаў.
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары