Міністр антыманапольнага рэгулявання і гандлю Аляксей Багданаў у эфіры тэлеканала СТБ паведаміў, што падчас цяперашняга міжсезоннага перыяду у Беларусі ў цяпліцах плануецца вырасціць больш за дзевяць тысяч тон агуркоў. Але гэта не забяспечвае патрэбы краіны.
«Адзначу, што мы гэта робім упершыню: і таматы, і агуркі. Чаму раней не было? Таму што можна было прывезці па імпарце. Усё ж такі асвятляць і ацяпляць цяпліцы — гэта дорага», — заявіў міністр.
Паводле слоў Аляксея Багданава, ва ўмовах заходніх санкцый імпартаваць зімой патрэбны аб'ём агуркоў з шэрагу краін стала немагчыма, а калі купляць у Расіі — то гэта нятанна. Маўляў, там няма такога цэнавага рэгулявання, як у Беларусі, таму закупачная цана за 1 кг агуркоў вырасла ў Расіі да прыкладна 10 беларускіх рублёў. У беларускай розніцы такія агуркі будуць каштаваць ужо 15 рублёў за кілаграм.
Пры гэтым у Беларусі закупачная цана — 5-6 рублёў, таму цана на прылаўку вагаецца прыкладна ў межах ад 7 да 8 рублёў.
У той жа час міністр прызнаў, што месячная патрэба беларускага рынку — 2,5 тысячы тон агуркоў, а значыць, што аб'ёму ў дзевяць тысяч тон, якія робяць у Беларусі, не хопіць, таму хоцькі-няхоцькі давядзецца закупаць дарагія расійскія.
Раней прэм'ер-міністр Раман Галоўчанка заяўляў аб планах цалкам забяспечыць Беларусь айчыннымі агуркамі ў міжсезонне. «Распрацаваны план-графік мадэрнізацыі цяпліц для таго, каб выйсці на неабходныя аб'ёмы. У выніку, па запэўненнях адпаведных службовых асоб, у сезоне 2023-2024 года патрэба рэспублікі ў агурках будзе забяспечана ў поўным аб'ёме», — адзначаў ён.
Раёнка зладзіла рэйд па сельскіх крамах і ледзь знайшла мандарыны
Індэкс аліўе і шубы. Як за год падаражэлі класічныя святочныя салаты?
Чаму Лукашэнка пастаянна штурхае Галоўчанку?
Колькі вітамінаў трэба чалавеку ў нашых краях зімою?
Мінсельгасхарч: У Беларусі дастаткова цяпліц для самастойнага вырошчвання агуркоў, але не такіх каб адмовіцца ад імпарту
«ЕС знізіў аб’ём вытворчасці». Кіраўнік МАРГ патлумачыў, чаму гуркі ў краіне па 16 рублёў
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары