Urad nie zdoleŭ zabiaśpiečyć rynak biełaruskimi ahurkami — MARH
Ministr antymanapolnaha rehulavańnia i handlu Alaksiej Bahdanaŭ u efiry telekanała STB paviedamiŭ, što padčas ciapierašniaha mižsiezonnaha pieryjadu u Biełarusi ŭ ciaplicach płanujecca vyraścić bolš za dzieviać tysiač ton ahurkoŭ. Ale heta nie zabiaśpiečvaje patreby krainy.
«Adznaču, što my heta robim upieršyniu: i tamaty, i ahurki. Čamu raniej nie było? Tamu što možna było pryvieźci pa imparcie. Usio ž taki aśviatlać i aciaplać ciaplicy — heta doraha», — zajaviŭ ministr.
Pavodle słoŭ Alaksieja Bahdanava, va ŭmovach zachodnich sankcyj impartavać zimoj patrebny abjom ahurkoŭ z šerahu krain stała niemahčyma, a kali kuplać u Rasii — to heta niatanna. Maŭlaŭ, tam niama takoha cenavaha rehulavańnia, jak u Biełarusi, tamu zakupačnaja cana za 1 kh ahurkoŭ vyrasła ŭ Rasii da prykładna 10 biełaruskich rubloŭ. U biełaruskaj roźnicy takija ahurki buduć kaštavać užo 15 rubloŭ za kiłahram.
Pry hetym u Biełarusi zakupačnaja cana — 5-6 rubloŭ, tamu cana na pryłaŭku vahajecca prykładna ŭ miežach ad 7 da 8 rubloŭ.
U toj ža čas ministr pryznaŭ, što miesiačnaja patreba biełaruskaha rynku — 2,5 tysiačy ton ahurkoŭ, a značyć, što abjomu ŭ dzieviać tysiač ton, jakija robiać u Biełarusi, nie chopić, tamu choćki-niachoćki daviadziecca zakupać darahija rasijskija.
Raniej premjer-ministr Raman Hałoŭčanka zajaŭlaŭ ab płanach całkam zabiaśpiečyć Biełaruś ajčynnymi ahurkami ŭ mižsiezońnie. «Raspracavany płan-hrafik madernizacyi ciaplic dla taho, kab vyjści na nieabchodnyja abjomy. U vyniku, pa zapeŭnieńniach adpaviednych słužbovych asob, u siezonie 2023-2024 hoda patreba respubliki ŭ ahurkach budzie zabiaśpiečana ŭ poŭnym abjomie», — adznačaŭ jon.
Rajonka zładziła rejd pa sielskich kramach i ledź znajšła mandaryny
Indeks aliŭje i šuby. Jak za hod padaraželi kłasičnyja śviatočnyja sałaty?
Čamu Łukašenka pastajanna šturchaje Hałoŭčanku?
Kolki vitaminaŭ treba čałavieku ŭ našych krajach zimoju?
Minsielhascharč: U Biełarusi dastatkova ciaplic dla samastojnaha vyroščvańnia ahurkoŭ, ale nie takich kab admovicca ad impartu
«ES źniziŭ abjom vytvorčaści». Kiraŭnik MARH patłumačyŭ, čamu hurki ŭ krainie pa 16 rubloŭ
Kamientary