Грамадства55

«Хаджаеў забраў трубку ў Жарко і сказаў, што рабіць з Някляевым». Як увайшоў у гісторыю бацька міністра здароўя

Прадстаўляючы новага міністра здароўя Аляксандра Хаджаева, Аляксандр Лукашэнка назваў яго пазакланавым чалавекам: «Хоць у Міністэрстве здароўя ў нас там і сямейныя дынастыі так званыя, і кланы, і іншае. Чаго толькі не хапае… Гэтага быць не павінна». Словы Лукашэнкі максімальна абсурдныя, таму што новы міністр якраз відавочны прадстаўнік сямейнай дынастыі ці нават клана. Яго бацька, Валерый Хаджаеў, раней быў першым намеснікам міністра здароўя. Што вядома пра дзейнасць Хаджаева-старэйшага?

Перадусім звяртае на сябе ўвагу яго паходжанне — маці была беларускай, а бацька чачэнцам. Валерый Хаджаеў працаваў галоўным доктарам Лепельскай раённай бальніцы.

«Ён быў вельмі жорсткім, бескампрамісным, такі валявы шаленец. Вельмі своеасаблівы ў камунікацыі. У медыкаў ёсць розныя тыпы, але псіхіятр — гэта заўсёды асаблівая каста. Як кажуць, ад чаго доктар лечыць, на тое і хварэе, — расказвае «Нашай Ніве» медык, які працаваў у той час у раёне. — Хаджаеў неяк зарубіўся з мясцовым АБЭЗам. У той жа час ён ужо здаваўся дастаткова цікавым людзям, якія прымалі кадравыя рашэнні, і яго ўзялі на павышэнне ў Віцебск, таму ён выйшаў без стратаў з вайны з АБЭЗам.

Па стане на 2010 год Хаджаеў-старэйшы ўжо перабраўся ў Мінск на пасаду намесніка міністра здароўя. Тады, у дзень прэзідэнцкіх выбараў, і здарыўся кульмінацыйны момант яго біяграфіі.

«[Тагачаснага міністра] Васіля Жарко цікавілі толькі грошы, а сам ён быў ні рыба ні мяса. І вось плошча-2010, у Бальніцу хуткай дапамогі прывозяць ушчэнт збітага кандыдата ў прэзідэнты Уладзіміра Някляева. Тэлефануюць у міністэрства: што рабіць?

Жарко проста не можа прыняць рашэнне, а Хаджаеў забраў трубку і сказаў, што рабіць. Медыцына павяла сябе так, як патрэбна ўладзе — замкнулі яго пабітага ў палаце, нагаварылі абы чаго.

Чакалася, што гэты ўчынак заўважаць і нарэшце паставяць яго міністрам. Ён ужо загаварыў іншым голасам з людзьмі», — расказвае медык Бальніцы хуткай дапамогі, які ў той час займаў адміністратыўную пасаду.

Збіты Уладзімір Някляеў. Паплечнікі давезлі яго да бальніцы. А там некалькі невядомых чалавек абгарнулі палітыка коўдрай і па падлозе вывалаклі з палаты ў невядомым кірунку.

Але планы Валерыя Хаджаева так і не рэалізаваліся. Так супала, што ў яго выявілі анкалагічнае захворванне. Рак перашкодзіў — Жарко пакінулі пры пасадзе, Хаджаеў псіхануў і з’ехаў у Расію.

@nashanivanews Зяць былога віцэ-прэм'ера Жарко валодае крыптабіржай у Беларусі #беларускаямова #пабеларуску #беларусьновости #белорусы #беларускітыкток ♬ Paris - Else

Там папрацаваў галоўным доктарам у бальніцы, атрымаў дзяржаўныя ўзнагароды Расіі і ўрэшце заняўся фармакалогіяй. Цяпер Хаджаеў лічыцца дырэктарам «Пскоў Фарма» і валодае 30% прадпрыемства. У 2022 годзе кампанія паказала $40 тысяч чыстых стратаў.

Каментары5

  • дочка Максима Дизайнера
    25.01.2024
    а з якога перапуду някляеу рашыу ісці у прэзідэнты?

    калі ў нас мусіла быць быццам бы парламентская рэспубліка. га?
  • дочка Максима Дизайнера
    26.01.2024
    я канеш люблю поэтов...
    вернее... любила...
    по молодости
    так сказать
  • дочка Максима Дизайнера
    26.01.2024
    а з якога перапуду някляеу рашыу ісці у прэзідэнты?

    роўна, як і пазьняк

    нейкая непасьледавацельнасць, таварышы

Ціманоўская пра мужа ў Беларусі: Не, я не буду сябе вінаваціць, калі яго пасадзяць34

Ціманоўская пра мужа ў Беларусі: Не, я не буду сябе вінаваціць, калі яго пасадзяць

Усе навіны →
Усе навіны

Экс-маладафронтаўца Дубскага схапілі ў Варонежы і нібыта хацелі адправіць на вайну. А потым ён усплыў у прапагандыстаў8

Эксперыментальную супрацьгалалёдную сумесь, якой пасыпалі вуліцы Мінска, прызналі нерэнтабельнай1

Украінскі комік трапна высмеяў Азаронка і «выбары» Лукашэнкі 6

Навукоўцы ўпершыню знялі на ВІДЭА пры дзённым святле жывога марскога чорта8

У санкцыйны спіс Трампа трапіў пракурор МКС, які выдаў ордар на арышт Пуціна18

Украінскія вайскоўцы збілі на Данбасе расійскі самалёт Су-25 ВІДЭА8

У адным з раёнаў Мінска прарвала трубу цеплазабеспячэння1

У Мінску ліквідуюць два клубы баявых мастацтваў2

У Нідэрландах у гатэль прыйшоў цюлень і заснуў у нумары3

больш чытаных навін
больш лайканых навін

Ціманоўская пра мужа ў Беларусі: Не, я не буду сябе вінаваціць, калі яго пасадзяць34

Ціманоўская пра мужа ў Беларусі: Не, я не буду сябе вінаваціць, калі яго пасадзяць

Галоўнае
Усе навіны →

Заўвага:

 

 

 

 

Закрыць Паведаміць