Аўстрыйскі дрэваапрацоўчы холдынг Kronospan пазбавіўся ад свайго бізнэсу ў Беларусі
Аўстрыйскі холдынг Kronospan сышоў з Беларусі. Новым уладальнікам яго заводаў і лагістычных цэнтраў стаў эмірацкі фонд Causa Foundation, а кіраванне бізнэсам перададзена расійскім менеджарам.
Як высветліў Office Life, выхад Kronospan з беларускага бізнэсу адбыўся на пачатку восені мінулага года. Да гэтага аўстрыйцы завяршылі працэс перадачы таго ж Causa Foundation сваіх актываў у Расіі. Фонд зарэгістраваны ў ААЭ.
Kronospan выйшаў на беларускі рынак у канцы 2000-х гадоў і стаў найбуйнейшым інвестарам у мясцовую дрэваапрацоўку. Яго прадпрыемствы выпускалі тут драўняныя пліты, падлогавыя пакрыцці, смолы, лакі, спецыяльную паперу, сталёвыя канструкцыі і інш. Значная частка прадукцыі прызначалася для экспарту.
Агульны абʼём інвестыцый Kronospan у эканоміку Беларусі ацэньваўся каля 1 млрд еўра.
Каментары