Беларусцы прапанавалі зарабіць 18 тысяч рублёў за кароткі танец. І яна справілася
У тыкток-акаўнце беларускага Domino's выклалі відэа, на якім работніца ўстановы Каця выконвае нескладаны, але вельмі энергічны танец. Прэс-служба кампаніі прапанавала падпісчыкам пакідаць каментары пад пастом, паабяцаўшы выдаць дзяўчыне прэмію, сувымерную з колькасцю пакінутых паведамленняў. Людзі адгукнуліся і магутна раскруцілі лічыльнік, піша Telegraf.news.
За два дні — па стане на вечар серады, 7 лютага — ролік набраў 3 млн 200 тыс. праглядаў і 52 тысячы каментароў — у асноўным хвалебных і кароткіх накшталт «Кацюха, давай!»
Праўда, яшчэ раней у кампаніі паведамілі, што «прэміяльны лічыльнік» спынілі на адзнацы ў 18 тысяч.
«Мы зрабілі стоп на 18k каментаў. Прэміі і відэа быць», — удакладнілі ў прэс-службе кампаніі.
У каментарах тут жа запатрабавалі зняць відэа, як Каці ўручаюць прэмію. І папярэдзілі: «Калі што, прыйдзем усёй плоймай» і «адмовімся ад спажывання піцаў».
Былы палітвязень з жонкай адкрылі краму сувеніраў — як ідзе справа?4
Каментары