Украіна выйшла з пагаднення з Беларуссю аб дзейнасці чыгуначнага транспарту
Пра выхад Украіны з пагаднення з урадам Беларусі аб дзейнасці ў сферы чыгуначнага транспарту паведаміў прадстаўнік украінскага ўрада ў Вярхоўнай Радзе Тарас Мельнічук.
Пагадненне, падпісанае 17 снежня 1992 года ў Кіеве, вызначала супрацоўніцтва паміж краінамі ў грузавых і пасажырскіх перавозках па чыгунцы, прадугледжвала каардынаванне тарыфнай палітыкі, фінансавыя адносіны бакоў, а таксама супрацоўніцтва ў падрыхтоўцы чыгуначнікаў.
Акрамя таго, украінскі Кабмін ухваліў законапраект аб дэнансацыі пагаднення паміж урадамі Украіны і Беларусі аб супрацоўніцтве ў галіне папярэджання надзвычайных сітуацый і ліквідацыі іх наступстваў.
Украіна таксама выйшла з пагадненняў аб арганізацыі медыцынскага забеспячэння вайскоўцаў Узброеных сіл і аб барацьбе з абаротам фальсіфікаваных лекавых сродкаў у рамках СНД.
Каментары