Брытанскі інвестар, у якога забралі найбуйнейшую сонечную электрастанцыю ў Беларусі, узяўся судзіцца з беларускім урадам
Брытанскі інвестар Кіабод Тутанян Машад, які некалькі гадоў таму пабудаваў самую вялікую фотаэлектрычную станцыю ў Беларусі, звярнуўся ў Міжнародны цэнтр па ўрэгуляванні інвестыцыйных спрэчак (ICSID) для вырашэння спрэчкі з беларускім урадам. Пра гэта піша ilex.by.
Інвестар лічыць, што пагадненне Вялікабрытаніі і Беларусі аб садзейнічанні і абароне інвестыцый павінна дапамагчы яму ў атрыманні кампенсацыі за страты, якія ўзніклі пасля адклікання прэферэнцый для працы сонечнай электрастанцыі.
Сонечная электрастанцыя магутнасцю 109 МВт была здадзена ў эксплуатацыю ў Чэрыкаўскім раёне на Магілёўшчыне ў 2021 годзе. Агульная сума інвестыцый у праект ацэньвалася ў 170 млн даляраў. Аднак у 2022 годзе ў Беларусі быў прыняты закон, які прыпыніў прымяненне павышаючых каэфіцыентаў да тарыфаў на электрычную энергію з аднаўляльных крыніц і абавязацельствы дзяржавы купляць энергію, якая імі выпрацоўваецца.
Працаваць на новых умовах інвестар адмовіўся, таму электрастанцыю адключылі ад дзяржаўнай энергасістэмы. Замоўца інвестпраекта, кампанія «Солар Лэнд», пазбавілася доступу да аб'екта. Тады інвестар паспрабаваў вярнуць грошы за пастаўку абсталявання і праектныя работы. Беспаспяховасць спробы пацягнула ліквідацыю «Солар Лэнд».
Цяпер на маёмасць кампаніі накладзены арышт. Такія актывы, як высакавольтныя сістэмаўтваральныя лініі і падстанцыя напружаннем 110 кВ, сталі ўласнасцю Беларусі.
У сакавіку 2024 года саму электрастанцыю выставілі на аўкцыён за 79,75 млн рублёў. Аднак ахвотных купіць аб'ект пакуль не знайшлося.
Цяпер чытаюць
«Я яб*н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў14
Каментары