Потым ідзе Мінскі раён, а вось Бабруйск выпраўляецца.
Летась па краіне найбольш забойстваў было зафіксавана ў Барысаўскім раёне, паведаміў на прэс‑канферэнцыі генеральны пракурор Рыгор Васілевіч.
Усяго на Барысаўшчыне ў 2009 годзе было 19 забойстваў, столькі ж сама ў Мінскім раёне. Гэта лідэры па дадзенай статыстыцы.
Рыгор Васілевіч сказаў, што яшчэ ў 2008 годзе лідэрам быў Бабруйск. Але летась там сітуацыя палепшылася — было 9 забойстваў.
Пракурор Барысаўскага раёна за кепскую працу быў вызвалены з пасады. «У пракурораў дастаткова сродкаў уплываць на розум і свядомасць людзей», — сказаў Р.Васілевіч.
Увогуле летась зафіксаваны рост злачыннасці ў 45 раёнах краіны. Найбольшыя выбухі злачыннасці адзначаныя ў Навабеліцкім раёне Гомеля, Горацкім раёне, Першамайскім і Фрунзенскім раёнах сталіцы.
Каментары