На адэпта рускага свету накатаў заяву яго расійскі сусед. «Мне як афіцэру ў адстаўцы крыўдна».
У жніўні 2020 года прыхільнік баевікоў Данбаса Віктар Каліна нечакана выступіў у падтрымку Святланы Ціханоўскай, асудзіў Аляксандра Лукашэнку і стаў фатаграфавацца з бел-чырвона-белым сцягам.
Адзін з суседзяў Каліны па пасёлку Ярцава Смаленскай вобласці Расіі паспеў данесці на яго ў беларускі КДБ. Гэты ліст знайшоўся ў злітай Кіберпартызанамі базе зваротаў.
«У нашым раёне пражывае грамадзянін РБ Віктар Каліна, шансанье і спявак. На сваім ютуб-канале ён распаўсюджвае інфармацыю, шкодную і ганебную для ўлады ў Беларусі. Я сам народжаны пад Гомелем, і мне як афіцэру ў адстаўцы крыўдна, што КДБ РБ дапускае шкодніцкія выхадкі ў бок прэзідэнта і вышэйшых службовых асоб РБ.
Спадзяюся на аператыўнае і дакладнае рэагаванне Камітэта па маім паведамленні. Гонар маю», — напісаў у пачатку 2021 года сусед Каліны па пасёлку, які назваўся Іванам Леўчуком.
Летам 2021-га стала вядома, што Каліна зняў бел-чырвона-белы сцяг са сваёй сядзібы ў знак салідарнасці з Азаронкам.
«Мне паставілі адну з умоваў, каб мае канцэрты праходзілі ў Беларусі: прыбраць і не рэкламаваць бел-чырвона-белы сцяг, які ў мяне на флагштоку вісеў», — заявіў тады Каліна.
Спявак з пафасам патлумачыў, што зрабіў гэта не таму, што выканаў умову, а таму, што беларускія рэвалюцыянеры спробай «забойства» Азаронка дыскрэдытавалі ідэю.
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава6
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4444
Каментары