21 студзеня дзяржсакратарка ЗША Хілары Клінтан выступіла ў Вашынгтоне з прамовай, у якой выказала моцную падтрымку свабодзе выказваньня ў Інтэрнэце.
Паводле Клінтан, Інтэрнэт павінен быць «адзіны» для ўсіх карыстальнікаў, і кожны карыстальнік павінен мець роўны доступ да яго.
Адначасова Хілары Клінтан асудзіла кібэратакі ў Інтэрнэце і заклікала ўсе краіны да супрацоўніцтва ў супрацьдзеяньні такім атакам:
«Краіны або асобы, якія арганізуюць кібэратакі, павінны панесьці адказнасьць і сустрэць міжнароднае асуджэньне. Ва ўзаемазьвязаным сьвеце атака на камунікацыйныя сеці адной дзяржавы павінна разглядацца як атака на ўсіх» — сказала яна.
Прамова Клінтан прагучала пасьля таго, як кампанія Google абвінаваціла кітайскія ўлады ў арганізацыі кібэратакі супраць акаўнтаў кітайскіх праваабаронцаў на дамэне Gmail. Клінтан заклікала Кітай правесьці дакладнае і празрыстае расьсьледаваньне гэтага абвінавачаньня.
Клінтан у сваёй прамове таксама асудзіла цэнзуру ў Інтэрнэце, называючы тры краіны, які паводле яе такую цэнзуру ўжываюць у штораз большай ступені: Кітай, Туніс і Ўзбэкістан.
Для чыноўнікаў распрацавалі месенджар Depesha. У чым яго галоўная праблема?5
Каментары