Арменія хоць і не выйшла з Арганізацыі Дамовы аб калектыўнай бяспецы (АДКБ), але і раней казала, што больш не будзе ўдзельнічаць у дзейнасці гэтай структуры. Цяпер краіна заявіла, што не збіраецца ўдзельнічаць у яе фінансаванні. Пра гэта стала вядома са словаў прэс-сакратаркі МЗС Арменіі Ані Бадалян у каментары агенцтву Factor.am, піша «Еўрапейская праўда».
Па словах Бадалян, Арменія ўстрымаецца ад удзелу ў «Дамове аб калектыўнай бяспецы да 2024 года па бюджэце», які быў прыняты Радай калектыўнай бяспекі АДКБ 23 лістапада 2023 года.
Таксама Ерэван адмовіўся ўдзельнічаць у «прадугледжаным ім фінансаванні дзейнасці арганізацыі, не пярэчачы пры гэтым супраць прыняцця гэтага рашэння ў абмежаваным складзе», дадала прэс-сакратарка армянскага МЗС.
Раней пра адмову Арменіі фінансаваць дзейнасць АДКБ заяўляў расійскі бок, у прыватнасці памочнік Пуціна Юрый Ушакоў.
Арменія на сённяшні момант афіцыйна не выйшла з АДКБ, але фактычна больш не ўдзельнічае ў дзейнасці гэтай структуры, у прыватнасці ў сумесных вайсковых вучэннях.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах1
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары