Справу разглядаюць у закрытым рэжыме.
Кіраўніка Дабрамыслінскай школы Ігара Атрошчанку судзяць за выраб або распаўсюд порна (частка 1 артыкула 343 КК). На расклад судовых пасяджэнняў звярнуў увагу тэлеграм-канал «Віцебск, я гуляю!».
Справу разглядаюць у судзе Лёзненскага раёна ў закрытым рэжыме.
У Дабрамыслінскай школе Лёзненскага раёна паведамілі, што Атрошчанка не працуе на пасадзе дырэктара з сакавіка. Яго абавязкі выконвае намеснік дырэктара па выхаваўчай рабоце Іна Вагароўская.
У аб'яднанні былых сілавікоў «Белпол» «Медыязоне» пацвердзілі, што ў Віцебскай вобласці толькі адзін Атрошчанка Ігар Анатольевіч, так што поўных цёзак у дырэктара быць не можа.
У чым менавіта абвінавачваюць Атрошчанку, невядома.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах10
Каментары