Яшчэ з савецкіх часоў у Беларусі падтрымліваецца традыцыя — выбіваць дываны ў двары сярод шматпавярховікаў. Часта беларусы займаюцца гэтым зімой, але ўвогуле нейкай пэўнай пары года для чысткі дываноў, як той казаў, дзедаўскім спосабам, няма.
Нягледзячы на тое, што людзей, якія ў эпоху агульнадаступных хімчыстак і клінінгаў наважваюцца выбіваць дываны самастойна, усё менш, гук выбівалак ўсё адно раз-пораз гучыць ва ўсіх дварах. Але, як аказалася, выбіваючы дыван, можна таксама парушыць правілы, піша «АиФ».
Адвакат Магілёўскай абласной калегіі адвакатаў Уладзімір Гарбачоў расказаў, што па правілах карыстання жылымі памяшканнямі выбіваць дываны можна далёка не ўсюды. Напрыклад, забаронена гэтым займацца на лесвічных клетках, на газонах і ў сушылках.
Дазволена выбіваць дываны ў двары толькі тады, калі там ёсць спецыяльна абсталяваныя месцы. Бывае, што ў дамах абсталююць спецыяльнае памяшканне для чысткі дываноў, але гэта пакуль рэдкасць. Ніхто не забараняе выбіваць дываны на асабістых прысядзібных участках і ў кватэры.
Таму, кажа юрыст, у многіх выпадку прасцей аддаць дыван у хімчыстку і не парушаць правілы.
Чытайце таксама:
«Даслаў SMS пра сэкс». Трэш-гісторыі пра тое, як беларусы з'язджалі са здымнага жытла
Бюджэт вольнага мужчыны: на што і як трацяць грошы беларускія халасцякі
на переднем плане