Злавілі ляшча. Незаконная рыбная лоўля каштавала жыхарам Любаншчыны 90 тысяч рублёў
Майскай ноччу двое мясцовых жыхароў выйшлі на промысел.
Яны паставілі 800 м сетак на Любанскім вадасховішчы, са звычайнай надзіманай лодкі, пішуць Мінск-навіны.
Лешч акурат ішоў на нераст, таму густа набіваўся ў сеткі.
Але затым дарогу браканьерам перакрылі прыродаахоўнікі.
Памер шкоды, нанесенай прыродзе, у Беларусі вымяраецца па спецыяльных таксах. Гэта абумоўленыя тарыфы ў базавых велічынях, дзе ўсё залежыць ад каштоўнасці таго ці іншага віду рыбы, яе арэала пражывання ды інш.
У мяшках знаходзіліся звыш 200 штук ляшча, некалькі самоў, судакоў, шчупакоў і ліняў. Падняць увесь улоў цяжка было нават утрох: яго вага склала 213 кг. На месца здарэння выклікалі следча-аператыўную групу Старадарожскага РАУС.
За спусташэнне Любанскага вадасховішча браканьеры павінны выплаціць 89 520 рублёў. А наперадзе яшчэ суд па ч. 4 арт. 281 КК (незаконная здабыча рыбы або іншых водных жывёл). Тут ім пагражае да шасці гадоў зняволення.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары