Пракуроры патрабавалі пажыццёвага прысуду.
Былы прэзідэнт Гандураса Хуан Арланда Эрнандэс прысуджаны ў ЗША да 45 гадоў турмы за дачыненне да злачынстваў у вобласці наркотыкаў і гандлю зброяй, піша Расійская служба Радыё Свабода.
55-гадовы Эрнандэс, імаверна, правядзе за кратамі рэшту свайго жыцця, калі суд пакіне прысуд без зменаў пасля чаканай падачы апеляцыі на пастанову амерыканскага суда.
Манхэтэнскі суд у сакавіку прызнаў Эрнандэса вінаватым у прыняцці хабараў для ўтойвання марскіх паставак какаіну ў ЗША, нягледзячы не яго ранейшыя абяцанні змагацца з наркагандлем.
Пракуроры патрабавалі пажыццёвага прысуду, бок абароны настойваў на 40 гадах турмы. Адвакаты палічылі, што дастаткова пакарання ў 40 гадоў. Гэта мінімальнае пакаранне па федэральным заканадаўстве.
Акруговы суддзя ЗША Кевін Кастэль заявіў, што 45-гадовы прысуд павінен стаць сігналам для добра адукаваных і, здавалася б, прадстаўнічых абвінавачаных, якія могуць меркаваць, што яны застрахаваныя ад судовага пераследу.
Эрнандэс паўстаў перад судом тым, кім ён у рэчаіснасці і быў: двудушным палітыкам, які прагне ўлады», заявіў Кастэль у Манхэтэнскім судзе.
Эрнандэс кіраваў Гандурасам, саюзнай для ЗША дзяржавай Цэнтральнай Амерыкі, з 2014 па 2022 год.
Каментары