Жыхарка Мінска апублікавала ў тыктоку ролік, зняты ў краме ProStore, у якой прадаецца лёд амаль за 10 рублёў за кілаграм. Яна заўважыла яго ў маразільніку сярод марожанага.
На роліку відаць, што 9 кавалачкаў замарожанай вады агульнай вагой 1,45 кілаграма прадаюць у сталіцы амаль за 14 рублёў (цана за кіло — 9,58 рублёў). У складзе пазначаны адзіны «інгрэдыент» — вада пітная ачышчаная замарожаная, а тэрмін прыдатнасці — 540 сутак, пры ўмовах захоўвання ў -18°C.
«Па цане мяса!» — уражаная аўтарка відэа Крысціна, паказваючы цэннік на шашлык па прыкладна супастаўнай цане.
Каментатары пад ролікам збольшага таксама здзіўленыя такім цэннікам на лёд у краме:
«Альбо глабальнае пацяпленне ўжо на носе, альбо хутка пачнем рабіць шашлыкі з кубікаў лёду».
«У мяне ў маразілцы лёд не па цане мяса, а з яго пахам. І яшчэ ноткі кропу ёсць».
«Што вы разумееце. Гэта філе вады ва ўласным соку».
«Ён зроблены са слёз русалак».
«Гэта вы яшчэ цану на пакецік з паветрам не бачылі!»
Іншыя, аднак, схільныя ставіцца да такога цэнаўтварэння калі не ўхвальна, то з разуменнем:
«Хутчэй за ўсё, маецца на ўвазе хуткасць замарозкі, і чым яна вышэйшая, тым менш бурбалак паветра ў лёдзе. Ну і якасць ачысткі вады, вядома», — піша адзін з падпісантаў.
Іншы яго падтрымлівае: «Любы замарожаны да —20°C лёд — аднолькава глыбокай замарозкі. Гэты адметны тым, што празрысты. Гэта крута, дома такі зрабіць складана, але цэннік завышаны».
«Гэта капец, каментатары гэтаму лёду столькі цудадзейных уласцівасцяў напрыдумлялі, што я ўжо задумваюся, ці не занадта танна яго прадаюць», — паіранізавала з гэтай нагоды адна з жанчын.
Гэты лёд вырабляе ў Беларусі кампанія «Віталайс». Яго часта купляюць розныя бары і рэстараны. У адной з даставак ёсць лёд гэтай кампаніі ў іншай упакоўцы па 4,49 рублёў за 600 грам. А калі заказваць ад 24 кілаграм у вытворцы лёду, то, згодна з інфармацыяй на іх сайце, можна купіць па 3 рублі за кілаграм.
На сустрэчы Снапкова з бізнэсам адзін з запрошаных заклікаў зняць відэазварот «Надо!» Як адрэагавалі астатнія?12
Каментары