У Беларусі ў кожнага другога вучэбнага аўтамабіля ў ходзе нядаўняй праверкі, якую праводзілі УП «Белтэхагляд» і ДАІ, выяўлены самыя розныя парушэнні. Пра гэта паведаміла прэс‑сакратар «Белтэхагляда» Алена Пракапеня.
Усяго было праверана больш за 4,3 тыс. транспартных сродкаў. Пры гэтым было ўстаноўлена, што больш за 670 з іх не прайшлі дзяржтэхагляд своечасова.
Па ўсіх парушэннях супрацоўнікамі ДАІ і транспартнай інспекцыі складзены адміністрацыйныя пратаколы. У цэлым праверка паказала, што даволі часта на вучэбных транспартных сродках адсутнічаюць адпаведныя апазнавальныя знакі. Таксама нярэдка паказанні спідометра не адпавядаюць дарожнаму лісту і зводнай ведамасці ўліку фактычнага расходу паліва. Парушаецца і расклад заняткаў.
У сувязі з тым, што многія праблемы аўташкол застаюцца пакуль нявырашанымі, УП «Белтэхагляд» збіраецца ўзмацніць кантроль якасці правядзення практычнага навучання ваджэнню ў гэтых арганізацыях. У прыватнасці, вясной 2010 года будуць праведзены новыя маштабныя праверкі.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары