Даўгі на агульную суму ў 740 тысяч рублёў трэба пагасіць у чатыры чэргі.
У Эканамічным судзе Магілёўскай вобласці завяршылі справу буйной мясаперапрацоўчай кампаніі «Барскае мяса плюс». Інфармацыя з'явілася на сайце Адзінага дзяржрэестра звестак аб банкруцтве, піша «Точка».
Прадстаўнікі кампаніі звярнуліся ў суд восенню 2025-га, каб запусціць працэдуру банкруцтва. Праз паўгода суд прыняў рашэнне аб завяршэнні ліквідацыйнай вытворчасці завода.
Як высветлілася ў працэсе скасавання кампаніі, яе ўладальнік мае даўгі перад крэдыторамі, з якімі не так проста разлічыцца. З дакумента вынікае, што ў кіраўніка кампаніі няма аўто ці нерухомасці.
У той жа час ён пераплаціў у бюджэт больш за 17 тысяч рублёў. Гэтая сума была адкліканая і накіравана на выплату заробкаў работнікам вытворчасці.
Даўгі на агульную суму ў 740 тысяч рублёў трэба пагасіць у чатыры чэргі.
Кампанія «Барскае мяса плюс» працавала з 2020 года ў Магілёўскай вобласці і займалася вытворчасцю каўбас і іншай мясной прадукцыі. На сайце пазначана, што фірма валодала пяццю фірмовым крамамі.
Раней стала вядома аб ліквідацыі вытворчасці ў Брэсцкай вобласці. У сярэдзіне лютага была распачатая справа аб банкруцтве супольнага беларуска-польскага прадпрыемства «Тракоб».
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі31
Каментары