Палітвязню Цімуру Рызапуру, у якога выпусцілі пяць гумовых куль, дадалі год калоніі за непадпарадкаванне адміністрацыі
Суд адбыўся яшчэ ў ліпені, але пра яго стала вядома толькі цяпер.
![](http://nashaniva.com/img/w840d4webp1/photos/z_2024_06/cimur240629-9029q.jpg.webp)
Паводле інфармацыі брэсцкай «Вясны», суддзя Наталля Панасенка (Ленінскі суд Магілёва) дадала Цімуру 1 год калоніі па ч. 2 арт. 411 КК РБ (злоснае непадпарадкаванне адміністрацыі калоніі).
Цімура затрымалі 30 верасня 2020 года ў Брэсце. Увечары 10 жніўня, калі ён вяртаўся з працы дадому, яго падстрэлілі гумавымі кулямі пяць разоў: адзін раз — у жывот і чатыры разы — у ягадзіцу.
Пазней яго абвінавацілі ва «ўдзеле ў масавых беспарадках» паводле ч. 2 арт. 293 КК.
Цімуру прызначылі 4,5 года калоніі. Тэрмін палітвязень спачатку адбываў у наваполацкай калоніі. Адміністрацыя рэгулярна змяшчала яго ў штрафны ізалятар, а потым перавяла ў ПКТ. Пазней яму ўзмацнілі пакаранне і перавялі на турэмны рэжым.
Цімура на волі чакаюць жонка і трое непаўнагадовых дзяцей.
-
Кіраўніца інтэрнэт-праектаў АНТ распавяла, чаму раптоўна звольнілася ў 2022 годзе і як з'ехала ў Аўстралію
-
«Каб быць з фізічным светам на ты». Журналіст Галко, перабраўшыся з Украіны ў Польшчу, пайшоў працаваць на стайню
-
Беларус здолеў пераканаць суд, што яго прызналі пагрозай для бяспекі Польшчы беспадстаўна
Каментары