Янукевіч, Эрыксан, Халезін, «Наша Ніва», «Тарпеда‑Мінск» — лаўрэаты прэміі «Люблю Беларусь»
«Малады фронт» абвясціў лаўрэатаў прэміі «Люблю Беларусь».
Намеснік старшыні незарэгістраванай арганізацыі «Малады фронт» Іван Шыла 11 лютага абвясціў імёны лаўрэатаў прэміі «Люблю Беларусь».Першапачаткова планавалася, што ўручэнне адбудзецца на Дзень святога Валянціна ў гатэлі «Кроўн плаза». Аднак у апошні момант адміністрацыя гасцініцы скасавала дамову на арэнду памяшкання.
«Малады фронт» прыняў рашэнне не ладзіць сёлета святочнай цырымоніі, а ўручыць гэтыя прэміі лаўрэатам прыватна. Такім чынам, прэмію «Люблю Беларусь» атрымаюць.
У намінацыя «Беларусізацыя» прэмію атрымала кампанія «Будзьма», за правядзенне сотняў культурных мерапрыемстваў па ўсёй краіне.
У намінацыі «Pro‑Belarus» адзначаліся замежнікі, якія ўнеслі ўклад у развіццё беларускай культуры. Прэмію атрымаў пасол Швецыі Стэфан Эрыксан.
У журналістыцы «Малады фронт» адзначыў рэдакцыю газеты «Наша Ніва» за якасны беларускамоўны прадукт, цікавы не толькі ў апазіцыйным асяродку.
Культура — прэмію атрымае Мікалай Халезін і «Свабодны тэатр». Палітыка — старшыня Партыі БНФ Аляксей Янукевіч. Грамадская чыннасць — Міхаіл Пашкевіч за стварэнне кампаніі «За альтэрнатыўную службу». Спорт — футбольны клуб «Тарпеда», фанаты якога беларусізуюць клуб.
У намінацыі «Змагар года» адзначаны палітвязень Арцём Дубскі, які цяпер адбывае пакаранне ў магілёўскай калоніі.З поўным спісам намінантаў можна азнаёміцца на адмысловым сайце.
Усе лаўрэаты атрымаюць у падарунак статуэткі ў выглядзе зерня, дзе будзе напісаны радок з верша Янкі Купалы «зерне, укінутае ў ніву, усходзіць ды красуе». Прызы выраблялі студэнты Акадэміі мастацтваў.
Іван Шыла заявіў, што прэмія «Люблю Беларусь» стане штогадовай. І падрыхтоўка да новай прэміі пачалася ўжо цяпер.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў1
Каментары