У Расіі пачынаецца эксперымент па здачы біяметрыі на мяжы.

Эксперымент па здачы біяметрыі замежнікамі і асобамі без грамадзянства пры ўездзе ў Расію павінен прайсці ў два этапы.
На першым этапе замежнікі, якія ўязджаюць у Расію, будуць здаваць біяметрыю ў некалькіх пунктах пропуску — у аэрапортах Шарамеццева, Дамадзедава, Унукава і Жукоўскі, а таксама ў сухапутным пункце пропуску Маштакава на мяжы з Казахстанам.
На другім этапе для бязвізавага ўезду ў Расію замежнікі змогуць загадзя здаваць біяметрыю ў спецыяльным дадатку і падаваць заяву са сваімі звесткамі і інфармацыяй аб мэтах візіту, піша БелТА.
У праекце пастановы расійскага ўрада агаворваецца, што новая працэдура не закране грамадзян Беларусі, дзяцей да 6 гадоў, дыпламатаў і супрацоўнікаў дыпламатычных прадстаўніцтваў і консульскіх устаноў замежных дзяржаў у Расіі і членаў іх сем'яў, супрацоўнікаў міжнародных арганізацый і іх прадстаўніцтваў, акрэдытаваных у Расіі, і членаў іх сем'яў.
Калі эксперымент будзе прызнаны паспяховым, замежнікаў абавяжуць здаваць біяметрыю на пастаяннай аснове.
-
«Пасля развалу СССР адмовіўся мяняць пашпарт». Гісторыя Славы Э., якога знайшлі ў доме з сабакамі, атрымала працяг
-
Сіла тыктока. Жанчына паскардзілася на павольны інтэрнэт ад «Белтэлекама» — там раптам адрэагавалі
-
Ваданосава: Вырашыць бюракратычную праблему, звязаную з аплатай страхоўкі маці, не ўдалося
Каментары