Тэлеграм-канал Motolko.help заўважыў, што ў Нацыянальны аэрапорт «Мінск» прызямліўся самалёт Dassault Falcon 900EX з рэгістрацыйным нумарам EP-IGC. На ім, як сцвярджаецца, прыляцеў сакратар Вышэйшай Рады нацбяспекі Ірана Алі Шамхані, ён жа дарадца Вярхоўнага лідара Ірана па палітычных пытаннях.
Самалёт прыляцеў з Санкт-Пецярбурга, дзе 10-12 верасня праходзіла сустрэча найвышэйшага кіраўніцтва сілавікоў краін — членаў БРІКС. Ад Ірана на гэтай сустрэчы прысутнічаў таксама сакратар Найвышэйшай рады нацыянальнай бяспекі Алі Акбар Ахмадзіян.
Раней на гэтым самалёце ў Беларусь прылятаў міністр прамысловасці, шахтаў і гандлю Ірана Рэза Фатэмі Амін.
Каментары