Мінскаму блогеру, які рабіў агляды на крамы, далі два гады хіміі
Суд Цэнтральнага раёна Мінска прысудзіў мужчыну, які рабіў агляды на крамы, да двух гадоў хіміі. Яго судзілі паводле артыкула аб распаўсюдзе персанальных звестак (частка 1 і частка 2 артыкула 203-1 КК), паведамляе прэс-служба пракуратуры.
Паводле матэрыялаў справы абвінавачаны ў кастрычніку 2023 года зняў на відэа краму і яе супрацоўнікаў. Падставай сталі парушэнні ў працы адной з крамаў буйной гандлёвай сеткі.
Без згоды супрацоўніцы, паводле пракуратуры, ён размясціў яе персанальныя звесткі — фота– і відэа з месца працы, а таксама прозвішча і ініцыялы пацярпелай, «суправадзіўшы абразлівымі каментарамі».
Пра сутнасць канфлікту ў краме нічога не вядома, але, імаверна, паводзіны прадавачкі выклікалі абурэнне ў гледачоў. Бо «аператар крамы ў імгненне набыла нежаданую ўвагу да сваёй персоны: ролік з яе ўдзелам знаходзіўся ў топе прагляданых відэа. Жанчына сутыкнулася з абразамі ад незнаёмых мінакоў. Акрамя таго, 11-гадовая дачка мінчанкі падвергнулася булінгу ў школе ад сваіх аднагодкаў. Падлеткі абзывалі маму дзяўчынкі, паказваючы непрыемны пост».
На судзе мінчук прызнаў сваю віну, патлумачыўшы, што такім чынам зафіксаваў парушэнні ў працы гандлёвай сеткі.
Блогеру было прызначана пакаранне ў выглядзе абмежавання волі з накіраваннем у папраўчую ўстанову адкрытага тыпу на тэрмін 2 гады са штрафам у памеры 300 базавых велічынь (12 тысяч рублёў).
-
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
-
Мінскім Шабанам прысвяцілі модную калекцыю: дзе купіць і што па цэнах?
-
Андрусь Бездар, які выйшаў з СІЗА, расказаў, як яго справа цяпер і што будзе далей
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу2
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары