Апячаталі кватэру былой палітзняволенай па справе студэнтаў Настассі Булыбенкі
Пра гэта дзяўчына паведаміла ў сваім інстаграме.
«На днях я даведалася, што маю кватэру ў Магілёве апячаталі. Хутчэй за ўсё гэта азначае, што я з'яўляюся часткай спецвытворчасці. Гэтая кватэра — адзінае і апошняе, што засталося ў мяне ад бацькі, які прапаў без вестак у 2009 годзе.
У мяне няма ніякай інфармацыі аб тым, як і калі гэта адбылося. Людзі, якія там жылі, не змаглі назваць нават дату, калі гэта адбылося — верагодна, яны вельмі спалоханыя», — напісала дзяўчына.
Ася Булыбенка — былая студэнтка БНТУ, якую адлічылі падчас восеньскіх акцый пратэсту. Дзяўчыну затрымалі 12 лістапада 2020 года і пазней асудзілі да 2,5 года калоніі па «справе студэнтаў». Яна цалкам адбыла свой тэрмін, а пасля вызвалення з'ехала з Беларусі.
У Беларусі, як і ў мінулым годзе, на пераднавагоднія хвіліны адключылі ютуб19
Каментары