У Нацыянальным парку «Прыпяцкі» на поўдні Беларусі знайшлі рэдкі для Беларусі грыб — яжовік каралападобны (Hericium coralloides). Ён уключаны ў Чырвоную кнігу Беларусі, а вонкава нагадвае марскі карал.
Як расказалі ў «Прыпяцкім», яжовік каралападобны мае трэцюю катэгорыю аховы, гэта значыць не знаходзіцца пад прамой пагрозай знікнення цяпер, але магчымы для вымірання ў будучыні.
«Пладовае цела незвычайнай формы і падобнае на галінкі карала. Маладыя пладовыя целы вылучаюцца на фоне дрэў сваёй белай афарбоўкай», — адзначылі ў парку.
Таксама там расказалі, што грыб расце на адмерлай драўніне ліставых парод дрэў, а знайшлі яго, у прыватнасці, на тэрыторыі экасцежкі «Хлупінская Буда», якая цяпер будуецца.
У маладым узросце яжовік каралападобны лічыцца ядомым, яго можна пасмажыць, да прыкладу, з аліўкавым алеем. Аднак, як мы згадвалася вышэй, у Беларусі гэты грыб знаходзіцца пад аховай.
Гэты від, дарэчы, можна вырасціць штучна на пілавінні або бярвенні. Каштуе ж ён нятанна. Напрыклад, на Wildberries 300-грамовая ўпакоўка міцэлію яжовіка каралападобнага прадаецца за 1469 расійскіх рублёў (50 рублёў 33 капейкі на беларускія).
Цяпер чытаюць
Як сёння жывуць Кузнечыкі, якія амаль два гады хаваліся ў пасольстве Швецыі, каб не трапіць у кіпцюры сілавікоў?3
Каментары