У Беларусі затрымалі ўкраінца: на мяжы перад надглядам ён выкінуў пакецік, але гэта заўважыў сабака
Мытны камітэт сцвярджае, што ў пакеціку быў гашыш.
Скрыншот відео ДМК
Грамадзянін Украіны ехаў у Беларусь з Польшчы на аўтобусе, ён праходзіў мяжу ў пункце пропуску «Брэст».
Пасля праходжання пашпартнага кантролю мужчына пайшоў праз зялёны калідор, аднак перад дадатковым надглядам выкінуў нейкі пакецік пад стол.
На гэта зрэагаваў службовы сабака, які ўнюхаў забароненае рэчыва. У пакеціку мытнікі знайшлі гашыш, паведамляе Мытны камітэт.
Мяркуючы з відэа, мужчыну затрымалі пазней, ужо ў нейкай кватэры ў Беларусі.
Брэсцкія мытнікі завялі на мужчыну крымінальную справу за спробу перамяшчэння праз мяжу псіхатропу. Украінцу пагражае да сямі гадоў турмы.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары