Генштаб: НАТА рыхтуецца да адкрытага супрацьстаяння з Беларуссю і РФ
Паўночнаатлантычны альянс фактычна рыхтуецца да адкрытага ўзброенага супрацьстаяння з Беларуссю і РФ, заявіў начальнік Галоўнага ўпраўлення — намеснік начальніка Генштаба Узброеных сіл Беларусі Уладзімір Купрыянюк выданню «Беларуская ваенная газета. Во славу Родіны», піша «Спутнік».
Ён адзначыў, што Захад «зразумеў сваю няздольнасць ажыццявіць дзяржперавароты ў Рэспубліцы і РФ і забяспечыць перамогу Украіны на полі бою».
«Таму кіраваны Злучанымі Штатамі блок НАТА ўжо фактычна рыхтуецца да адкрытага ўзброенага супрацьстаяння з Рэспублікай Беларусь і Расійскай Федэрацыяй. Калектыўны Захад пастаянна дэманструе рост інтэнсіўнасці мерапрыемстваў, накіраваных, па сутнасці, на своечасовую падрыхтоўку да ваенных дзеянняў», — падкрэсліў Купрыянюк.
Паводле яго слоў, альянс засяродзіў асноўныя сілы на тым, каб павялічваць выдаткі на абарону, нарошчваць ударна-наступальны патэнцыял войскаў, пашыраць ваенную прысутнасць паблізу межаў Саюзнай дзяржавы.
Тур патлумачыў, што Лукашэнка меў на ўвазе, кажучы пра прызначэнне дырэктараў у прыватныя кампаніі2
Каментары