«Прыйдуць халодныя масы з палярных шырот». Якім будзе надвор’е на наступным тыдні
Сіноптык Дзмітры Рабаў папярэдзіў пра пагаршэнне надвор'я з 11 па 17 лістапада.
Паводле сіноптыка, з 11 па 17 лістапада ў краіне будзе пераменлівае надвор'е: восеньскае цяпло паступова пойдзе, а на змену яму пачнуць дзьмуць ветры з поўначы. Замест цёплага паветра з Атлантыкі прыйдуць халодныя масы з палярных шырот.
У пачатку тыдня за надвор'е будзе адказваць антыцыклон, сфарміраваны ў вільготнай паветранай масе з цэнтрам над цэнтральнымі рэгіёнамі Расіі. Будзе воблачнае надвор'е, але без ападкаў. Месцамі верагодны туман. У панядзелак, 11 лістапада, ноччу чакаецца ад -1 да +5 градусаў. Днём будзе ад +6 да +9 градусаў. У аўторак, 12 лістапада, у дзённы час тэмпература паветра складзе да 8 градусаў цяпла.
У сярэдзіне тыдня ападкаў не чакаецца. У начны і ранішні час магчымы слабы туман, галалёд. У сераду, 13 лістапада, ноччу чакаецца ад -2 да +2 градусаў, а днём — ад 3 да 6 са знакам плюс.
У другой палове тыдня надвор'е ў Беларусі канчаткова сапсуецца: будуць ападкі ў розных формах, узмацненне ветру, пахаладае.
Вецер прагназуецца заходні і паўночна-заходні, часам парывісты. У чацвер, 14 лістапада, у начны час будзе ад +1 градусаў па паўднёвым усходзе і да +8 градусаў па захадзе. У пятніцу, 15 лістапада, прагназуецца пахаладанне да +3 градусаў.
У канцы тыдня ў краіне чакаецца пахаладанне. У некаторых раёнах верагодныя кароткачасовыя ападкі ў выглядзе снега, а таксама мокрага снега. У суботу, 16 лістапада, ноччу прагназуецца ад -6 да -3 градусаў. Днём тэмпература паветра складзе ад -3 да 0 градусаў.
У нядзелю, 17 лістапада, будзе каля 0 градусаў.
Каментары