Капітанам кітайскага судна, якое падазраюць у пашкоджанні кабеляў на дне Балтыйскага мора, аказаўся грамадзянін Расіі
Федэральная паліцыя Германіі пачала аказваць падтрымку Фінляндыі і Швецыі ў расследаванні магчымай дыверсіі, з-за якой аказаліся перарваныя тэлекамунікацыйныя кабелі ў Балтыйскім моры.
Для дапамогі Фінляндыі і Швецыі будзе задзейнічаны карабель нямецкай берагавой аховы, які неўзабаве адправіцца ў плаванне, піша Bild.
У панядзелак адразу два падводныя тэлекамунікацыйныя кабелі, пракладзеныя па дне Балтыйскага мора, былі пашкоджаныя.
Адзін з кабеляў даўжынёй 1173 кіламетры злучаў Хельсінкі і нямецкі горад Ростак. Прычына няспраўнасці пакуль не ясная, цяпер праводзіцца расследаванне.
Міністр абароны ФРГ Барыс Пісторыус ужо выказаў меркаванне, што пашкоджанне падводных кабеляў было «наўмысным».
Паводле адной з версій, кабелі маглі быць абарваны спушчаным у ваду якарам або донным тралам. Пад падазрэнне патрапіла кітайскае грузавое судна Yi Peng 3. Карабель прыцягнуў увагу сваімі дзіўнымі маршрутамі, таму два судны ВМС Даніі следавалі за ім.
Згодна з паведамленнямі ў сацыяльных сетках, датчане, па ўсёй верагоднасці, насціглі Yi Peng 3 і спынілі яго. Капітанам судна аказаўся грамадзянін Расіі.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары